لافوندا

المكان مرتب و نظيف، المنتجع راح اعتمده حق اي طلعه عائلية

المحل جميل و شرح انصحكم فيه

الحمدلله كان اختيار موفق 🌹حجزناه لاجتماع الاسره ليله البارحه
المنتجع جميل ومرتب وما ميزه أثاثه مريح ومنسق بطريقه جميله اكرر الزياره له بحول الله 🌹

جميل

تجربة جميلة جدًا. المنتجع فخم ونظيف ومريح، وكل شيء فيه جديد ومرتب بجودة عالية. الأثاث والغرف راقية، والمسبح نظيف جدًا. مكان ممتع ويستحق الزيارة والتكرار.

ما شاء الله بارك الله
المكان روعة نظيف جداً ومريح وشرح ويستحق تكرار التجربة والله يبارك لصاحب المكان ويعطيه العافية

يعطيكم العافيه الشاليه جداً مرتب ويستاهل قيمته
وتجربه تستحق التكرار 👍🏼

تجربة جميلة جدًا، كل شيء بالمكان مرتب وحلو والتفاصيل تهبل 🤍

تجربة جميلة جدًا 🤍✨ الشاليه كان أكثر من رائع، نظافة وترتيب واهتمام بالتفاصيل، والمسبح جدًا جميل ومناسب للكبار والصغار. الأجواء كانت هادئة ومريحة وقضينا وقت ممتع جدًا، وبإذن الله مو آخر زيارة 🤍🌿

لافوندا مو مجرد منتجع لافوندا لمسة أناقة وفخامة تستحق كل ريال. من أجمل وأرقى المنتجات اللي جربتها مؤخراً.
من خيث النظافة فهي نظيفه ومتكاملة في الاغراض
هدوء وانشراح
استمتعنا وكان يوم جميل...

تجربة رائعة جدًا في منتجع لافوندا بالأحساء، ومن أجمل الأماكن اللي استأجرناها.

المكان واسع جدًا ومنظم بشكل ممتاز، ويضم صالة كبيرة وأنيقة، وطاولة طعام فخمة، ومطبخ مجهز، بالإضافة إلى أربع غرف نوم؛ غرفتين ماستر بسرير كبير وغرفتين بسريرين، مما يجعله مناسب جدًا للعوائل والمجموعات.

أكثر شيء أعجبني هو الاهتمام بالتفاصيل 👌🏻
المسبح كبير بطول 10 أمتار، والمنطقة المحيطة فيه جميلة جدًا، خصوصًا في الليل مع الإضاءات المحيطة بالمسبح، والتي أعطت المكان أجواء رائعة وراقية جدًا. 🌙✨

النظافة والترتيب والتجهيزات كانت على مستوى ممتاز، وحتى التفاصيل الصغيرة كانت محسوبة؛ مثل توفير الصابون والشامبو والفوط للاستخدام مرة واحدة، بالإضافة إلى توزيع المناديل (الكلينكس) في أنحاء الفيلا، وهذا يدل على اهتمام واضح براحة الضيوف.

وأحب أشكر بشكل خاص راعي المكان على حسن التعامل والرقي والاحترام. كان متعاونًا جدًا وراقيًا في تعامله، وهذا الشيء أكمل جمال التجربة.

بكل صراحة، المكان يستحق الإشادة، والتجربة كانت أجمل مما توقعنا.
أنصح فيه وبقوة للعوائل والمجموعات، وإن شاء الله لنا زيارة قادمة بإذن الله.

تعامل اصحاب المنتجع راقي ومتعاون،والمكان جميل جداً ونظيف ويستحق التجربه والاعتماد.

تبارك الرحمن المنتجع فوق التقييم كانك رايح فندق
صاحب المنتجع مهتم بادق التفاصل
النظافه ممتازه
المكان شرح ماشاء الله المسبح نظيف وماء عين
صاحب المنتجع انسان محترم جدا وذوق في التعامل
من المنتجعات اللي اعتمدها وارجع لها اكثر من مره
الله يبارك لك فالمكان ويزيدك من فضلة ونعيمه

ماشاء الله تبارك الرحمن الله يبارك لك في مكانك يهبل ماشاء الله تعامل وكلشي

المكان جدًا جدًا راقي ومرتب ونظيف انصح به لاتترددون

المكان خرافي وصاحب المكان مو مستخسر اي ريال في المنتجع كل شي عشرة على عشرة الله يبارك له

لافوندا 1 خياااال مرره انيق ومتكامل من ناحية الادوات للمطبخ ودورات المياه كلها متوفرره وكل شي جديد ونظيف تعليقي فقط على المسبح ياليت يكون فيه تصريف للماي لانه يتجمع حوالين البركه وتصير الارض زلقه حتى لو كنت حاط ضد السقوط لاكن هذا الشي الوحيد اللي ازعجنا مع الماي يصير خطر ا والبركه ياليت يكون فيها فلتر اما بالنسبه للمنتجع فهو رااقي جدآ
صاحب المنتجع تعامله طيب ومحترم

المكان اكثر من رائع استمتعنا كثير وكانت تجربه اكثر من رائعه المكان واسع ومتكامل ويكفي لعائله كبيره ونظيف و المالك وفر جميع مقومات الراحه لتكون الاجازه ناجحه من جميع النواحي شكراً جزيلاً من القلب

مكان رائع ومميز ونظيف جداً وتعامل راقي وتعاون موفقين في اختياراتكم وإقامتنا كانت جداً رائعه المكان هادئ ومحقق كافة الخدمات المطلوبه أشكركم لڤوندا على جميل ماتقدمونه في هذا المكان المميز 🙏🏻

اقوى منتجع فيك يالاحساء ماشاءلله يجنن والمنتجع متعوب عليه جدا ، والتعامل اكثر من روعة الله يعطيكم العافية ويطرح فيه البركة يارب 🙏🏻